काठमाण्डौंमा जारी आईसीसी क्रिकेट विश्वकप लिग-२ मा सट्टेबाज गराउने ४ जना पक्राउ

काठमाण्डौं। क्रिकेटमा सट्टेबाजी गराएको आरोपमा प्रहरीले ४ जनालाई पक्राउ गरेको छ । ‘अनलाइन बेटिङ’ गराएको आरोपमा काठमाण्डौं प्रहरी र केन्द्रीय अनुसन्धान ब्युरोले अभियुक्तहरुलाई कीर्तिपुर क्षेत्रबाट पक्राउ गरेको हो ।

काठमाण्डौं प्रहरीले ३ जनाशंकास्पदलाई पक्राउ गरेर अनुसन्धान अघि बढाएको छ । यस्तै ब्युरोले पनि कीर्तिपुरस्थित खेल मैदान नजिकैबाट बेटिङ गरेको आरोपमा १ जनालाई पक्राउ गरेको प्रवक्ता (प्रहरी उपरीक्षक) सञ्जयसिंह थापाले जानकारी दिए ।

कीर्तिपुरस्थित त्रिवि मैदानमा शुक्रबार आईसीसी क्रिकेट विश्वकप लिग टु अन्तर्गत नेपाल र स्कटल्याण्डबीच खेल भइरहेको छ ।