रुपन्देहीको सैनामैनामा लागुऔषसहित ४ युवा पक्राउ

बुटवल । रुपन्देहीको सैनामैनामा लागुऔषध ओसारपसारमा संलग्न ४ युवालाई ईलाका प्रहरी कार्यालय सालझण्डीले पक्राउ गरेको छ । पक्राउ पर्नेमा सैनामैना नगरपालिका–११ बस्ने २३ वर्षीय नविन सेन सोही ठाउँका २४ वर्षीय नारायण शाही सैनामैना–७ का ३१ वर्षीय प्रतिप गौतम र सोही ठाउँका २८ वर्षीय सन्दीप गौतम रहेको प्रहरीले जनाएको छ ।

सेन र शाहीको साथबाट प्रहरीले एक ग्राम २ सय मिलिग्राम खैरो हेरोईन बरामद गरेको थियो । कपिलवस्तुबाट रुपन्देहीतर्फ लागुऔषध ओसारपसार गरेको सूचनाको आधारमा उनीहरु सवार लु ४० प ८८०३ नम्बरको मोटरसाइकल खनतलासी गर्दा लागुऔषधसहित भेटिएको प्रहरीले जनाएको छ । उनीहरुलाई गत माघ २७ गते प्रहरीले पक्राउ गरेको थियो ।

यसैगरी दुई गौतममको साथबाट प्रहरीले ८ सय मिलिग्राम हैरो हेरोईन बरामद गरेको छ । उनीहरुले पनि कपिलवस्तुबाट बुटवलतर्फ लागूऔषध बोकेर आउँदै गरेको अवस्थामा पक्राउ परेका हुन् ।