१९ लाख घुससहित सडक डिभिजनका प्रमुख र इन्जिनियर पक्राउ

पुस १९,

सिरहा । सडक डिभिजन कार्यालय लहान सिरहाका प्रमुख, इन्जिनियर र सबइन्जिनियर घुससहित पक्राउ परेका छन् ।

उनीहरुलाई कार्यालयबाट शुक्रबार साँझ ६ः३० बजे प्रहरीले पक्राउ गरेको हो । कार्यालय प्रमुख विनोद साहलाई ३ लाख, इन्जिनियर नविनकुमार साह र सबइन्जिनियर वीरेन्द्र कुमार साहलाई १५ लाख ९६ हजार रुपैयाँ घुससहित पक्राउ गरिएको अख्तियार दुरुपयोग अनुसन्धान आयोगको कार्यालय वर्दिवासका प्रमुख नारायण प्रसाद सापकोटाले जानकारी दिए ।

उनीहरुले निर्माण व्यवसायीसँग सडक निर्माणको कामका लागि कमिसनस्वरुप रकम माग गरेको बुझिएको छ । तीन जनालाई शुक्रबार नै वर्दिवास लगिएको अख्तियार दुरुपयोग अनुसन्धान आयोगको कार्यालय वर्दिवासका प्रमुख सापकोटाले बताए । –अन्नपूर्णबाट