तिलोत्तमाको पामिरले मनायो वार्षिकोत्सव, विभिन्न व्यक्तिलाई सम्मान

बुटवल । रुपन्देहीको पामिर इन्टरनेशनल एकेडेमी तिलोत्तमा–२ ले आफ्नो वडाका जनप्रतिनिधि र टोल विकास संस्थाहरुलाई सम्मान गरेको छ । विद्यालयको शैक्षिक विकासमा वडाका जनप्रतिनिधि र टोल विकास संस्थाहरुको महत्वपूर्ण भूमिका रहेको भन्दै विद्यालयले आफ्नो १५ औं वार्षिकोत्सको अवसरमा उनीहरुलाई सम्मान गरिएको जनाएको छ ।

विद्यालयले तिलोत्तमा–२ का वडाअध्यक्ष डिलबहादुर भट्टराईसहित चारजना वडा सदस्यहरुलाई प्रमाणपत्रबाट सम्मान गरेको छ । त्यस्तै वडा नम्बर २ मा रहेका ११ वटा टोल विकास संस्थाका अध्यक्ष तथा दुईवटा युवा क्लवलाई समेत सम्मान गरिएको विद्यालयका प्राचार्य गोपाल गौतमले जानकारी दिए । सम्मानित हुने युवा क्लवमा नवज्योती युवा क्लवका अध्यक्ष दिपेश कंडेल र जागृती युवा क्लवका अध्यक्ष विदुर केसी रहेका छन् ।

कार्यक्रममा तिलोत्तमा नगरपालिका शिक्षा तथा खेलकूद शाखा प्रमुख गंगाराम आचार्य, विद्यालय व्यवस्थापन समितिका अध्यक्ष मोहन चापागाईं र प्राचार्य गोपाल गौतमले उनीहरुलाई प्रमाणपत्र प्रदान गरेका थिए ।