विरगाथाका सदस्यलाई सहकारी शिक्षा

बुटवल । रुपन्देहीको बुटवल स्थित वीरगाथामा बचत तथा ऋण  सहकारीले आफ्ना कार्यसमिति तथा उपसमितिका सदस्यहरुका लागि सहकारी सञ्चालन र व्यवस्थापन सम्बन्धि तालिम सञ्चालन गरेको छ । सहकारीले शुक्रबा बुटवलमा तालिम सञ्चालन गरेको हो ।

सहकारी स्थापनाका उद्देश्य, वर्तमान गतिविधि र भविष्यमा उत्कृष्ट एवम् नमूना सहकारी बनाउनका निम्ति आवश्यक सञ्चालन तथा व्यवस्थापनका सन्दर्भमा सहकारी अभियान्ता दलबहादुर गुरुङले सहजीकरण गरेका थिए । साथै उद्यमशीलता, लघु-उद्यम सञ्चालन र सदस्यता अभिवृद्धिका निम्ति अपनाउनु पर्ने १२ पाईलाका बारेमा समेत गुरुङले प्रष्ट्याएका थिए । तालिममा संस्थाका ज्येष्ठ सदस्य एवम् लेखक जंगबहादुर शाहकाे विशेष उपस्थिति रहेकाे थियाे ।

तालिमले सहकारीलाई अघि बढाउन सहज हुने र नियमित तालिमले सञ्चालक र सदस्यहरुलाई फाईदा पुग्ने लेखक शाहले बताए । सहभागीहरुका तर्फबाट शान्ति थापा र भद्रबहादुर थापाले आफ्ना अनुभव ब्यक्त गरेका थिए । तालिममा संस्थाकी उपाध्यक्ष गीतारानी बलाल मगरकाे स्वागत, सचिव मनमाया थापाकाे सञ्चालन र अध्यक्ष राजबहादुर थापाकाे अध्यक्षता रहेकाे थियाे ।