पाल्पामा बसले ठक्कर दिँदा ७७ वर्षीया बृद्धाको मृत्यु

बुटवल । पाल्पमा बसले ठक्कर दिँदा एक बृद्धाको मृत्यु भएको छ । मृत्यु हुनेमा तानसेन नगरपालिका–१२ बौद्दपोखराकी ७७ वर्षीया पुतलि विश्वकर्मा रहेको जिल्ला प्रहरी कार्यालय पाल्पाले जनाएको छ ।

विहीबार दिउँसो तानसेन नगरपालिका १२ ल्हुङ स्थित अर्गली तानसेन भित्री सडक खण्डमा गुल्मीबाट बुटवल तर्फ आउँदै गरेको लु १ ख ८३६१ नम्बरको बसमा सवार गरी आएकी उनलाई सोही बसबाट झरी घर तर्फ जाने क्रममा सोही बसले ठक्कर दिँदा घाइते भएकी थिइन् ।

बसको ठक्करबाट घाइते विश्वकर्माको उपचारको क्रममा लुम्बिनी मेडीकल कलेज प्रभास पाल्पामो मृत्यु भएको हो । ठक्कर दिने बस र चालकलाई प्रहरीले नियन्त्रण लिएको छ ।