पाल्पामा गुडिरहेको मोटरसाइकलबाट खसेका गाहाको ट्रकले किचेर मृत्यु

बुटवल । पाल्पामा ट्रकले किचदा एक युवाको मृत्यु भएको छ । मृत्यु हुनेमा पाल्पा रिब्दिकोट गाउँपालिका -६ का ३० वर्षीय नर बहादुर गाहा रहेको जिल्ला प्रहरी कार्यालय पाल्पाको सूचना अधिकारी वीरेन्द्र थापाले बताए ।

मंगलबार पाल्पाको रिब्दिकोट गाउँपालिका - ४ बाउनडाँडा स्थित तानसेन हार्थोक सडक खण्डमा तानसेनबाट हार्थोक तर्फ जादै गरेको लु १ ख ९१३४ नम्बरको ट्रकलाई सोही दिशाबाट जादै गरेको लु ६८ प २०५ नम्बरको मोटरसाईकलले वभरट्याक गर्ने क्रममा मोटरसाईकल पछाडि सवार गाहा अचानक ट्रकको पछाडिको चक्का मुनि परेका थिए । ट्रकको पछाडिको चक्का मुनि पर्न गई चक्काले किचदा उनेको घटनास्थलमा नै मृत्यु भएको प्रहरीले जनाएको छ ।

ट्रक र ट्रक चालक जिल्ला पाल्पा तानसेन नगरपालिका-१४ का ३६ वर्षीय रेम थापा तथा मोटरसाईकल चालक जिल्ला पाल्पा रिब्दिकोट गाउँपालिका ६ का २६ वर्षीय शेर बहादुर गाहालाई प्रहरीले नियन्त्रणमा उक्त घटना सम्बन्धी थप अनुसन्धान भइ रहेको प्रवक्ता थापाले बताए ।