अर्घाखाँचीबाट मोटरसाईकल चोरी गर्ने गुल्मीका एक युवा पक्राउ

गुल्मी। जिल्लाको प्रहरी कार्यालयले बिहिवार मोटरसाईकल चोरी गर्ने एक युवकलाई पक्राउ गरेको छ । जिल्ला प्रहरी कार्यालय गुल्मी र ट्राफिक प्रहरी कार्यालयको संयुक्त टोलीले चेक जाँच गर्ने क्रममा लु २७ प ६०१५ नम्बरको मोटरसाईकलसहित पक्राउ गरेको हो । एक ग्यारेजमा शंकास्पद अवस्थामा फेला पारी गुल्मीदरबर गाउँपालिका–६ का १८ वर्षीय घनश्याम टण्डनलाई पक्राउ गरेको हो ।

मंसिर १९ गते अर्घाखाँचीको सन्धिखर्कस्थित प्रेम बहादुर खड्काको मोटरसाईकल हराएपछि खड्काले जिल्ला प्रहरी कार्यालयमा खोजतलासका लागि निवेदन दिएका थिए । जिल्ला प्रहरी अर्घाखाँचीले गुल्मीको प्रहरीसँग सहयोग मागेपछि अनुसन्धान सुरु भएको थियो । गुल्मीको प्रहरीले उक्त मोटरसाईकल अर्घाखाँची कै सन्धिखर्क १ स्थित बिनायक मोटरपार्टस ग्यारेजमा रहेको पत्ता लगाएको थियो । थप अनुसन्धानपछि मोटरसाईकल चोरी गरेको आशंकामा गुल्मीका टण्डनलाई पक्राउ गरी अर्घाखाँचीको प्रहरी समक्ष कार्बाहीका लागि पठाइएको गुल्मीका निमित्त प्रहरी प्रमुख डिएसपी माधवराज खरेलले जानकारी दिए ।