७२ वर्षिय बृद्धको हत्या गर्ने अभियुक्त पक्राउ

पुस ८,

ग्लोबल आवाज

गुल्मी । गुल्मी गुल्मीमा ७२ वर्षिय बृद्धको हत्या गर्ने अभियुक्त पक्राउ परेका छन् । जिल्लाको चन्द्रकोट गाउँपालिका वडा नम्बर–७ देउराली निवासी ७२ वर्षीय देबीराम भण्डारीको हत्या गर्ने सोहि गाउँपालिका वडा नम्बर–८ निवासी २० वर्षिय सन्तोष घार्तिलाई पक्राउ गरेको जिल्ला प्रहरी कार्यालय गुल्मीका प्रहरी नायव उपरिक्षक मिनबहादुर घलेले बताए ।

भण्डारी गत पुस ५ गते आफनै गोठमा मृत अबस्थामा फेला परेका थिए । मृत फेला परेका भण्डारीको प्रहरीले अनुसन्धान गर्दै जाँदा हत्या भएको भन्दै हत्यारा समेत पक्राउ गरेको प्रहरीले जनाएको छ । भण्डारी आफ्नो गोठमा भैसीको दुध दुहुन गएको र हत्या गर्ने अभियुक्त घर्ति नजिकै दाउरा लिन गएको समयमा दुबै पक्ष बिच आफ्सी विवाद हुँदा ढुंगा प्रहार गरि हत्या गरेको प्रहरीले जनाएको छ ।

हत्या गर्ने अभियुक्तलाई जिल्ला प्रहरीले कार्यालय गुल्मीले म्याद थप गरेर अनुसन्धान गरिरहेको प्रहरी नायव उपरिक्षक घलेले बताए ।