पुस ८,
ग्लोबल आवाज
बुटवल । रुपन्देहीको बुटवलमा अवस्थित कालिका मानवज्ञान माध्यमिक विद्यालयले हरेक वर्ष प्रदान गर्ने उत्कृष्ट शिक्षा पत्रकारीता पुरस्कारबाट ग्लोबल आवाज डट कमका सम्पादक एन. बी. कंडेल सम्मानित भएका छन् ।
विद्यालयमा स्थापना गरिएको भिमबहादुर श्रेष्ठ फुलमाया श्रेष्ठ अक्षयकोषबाट रु ६ हजार नगद, दोसल्ला र प्रमाण पत्रले कंडेललाई सम्मान गरिएको विद्यालयका प्राचार्य घनश्याम पाठकले बताए । विगत एक दशकदेखि रुपन्देहीमा रहेर पत्रकारिता गर्दै आएका कंडेल बुटवलबाट प्रकाशित हुने बुद्धभूमी साप्ताहिक पत्रिकाको प्रकाशक तथा सम्पादक समेत हुन् । विद्यालयको ५९ औं वार्षिक उत्सवका अवसरमा प्रदेश ५ का मुख्यमन्त्री शंकर पोखरेल, विद्यालयका अध्यक्ष होमबहादुर गलामी तथा अक्षयकोषका संरक्षक भिमबहादुर श्रेष्ठले सोमबार संयुक्त रुपमा सम्मान सहित पुरस्कार प्रदान गरेका थिए ।
यसैगरी विद्यालयले स्व. अरुण पौडेल अक्षयकोषबाट अनलाइन खबर डटकम प्रदेश ५ का वरिष्ठ संवाददाता टोपराज शर्मालाई समेत सम्मान गरेको छ ।
युनिकोड
मिति रूपान्तरण
ग्लोबल आवाज
प्रतिक्रिया