भैरहवा स्थित रेडसन होटलमा दशैं तिहार अफर, १० हजारमै कोठासहित लुम्बिनी दर्शन

भैरहवा । भैरहवामा सञ्चालनमा रहेको चारतारे होटल बोधी रेड्सनले दशैं तिहार लक्षित नया अफर सार्वजनिक गरेको छ । बुधबार होटलले पत्रकार सम्मेलनको आयोजना गर्दै अफरबारे जानकारी गराएको छ । होटलको ब्यवस्थापन लिएको शाईनी होटल्स एण्ड रिसोर्टका मूख्य कार्यकारी अधिकृत दिपक ठाकुरले ९ हजार ९ सय ९९ रुपैयामा डिलक्स कोठा सहित डिनर र बिहानको नास्ता समावेश गरिएको जानकारी दिए ।

यसैगरि सोही प्याकेजमा गौतमबुद्ध अन्तराष्ट्रिय बिमानस्थलबाट ल्याउने र पु¥याउने सुविधा समेत रहेको उनले बताए । प्याकेजमै लुम्बिनी भ्रमणको ब्यवस्था पनि रहेको ठाकुरको भनाई छ । बिशेष गरि दशैंमा घुमफिर गर्न रुचाउने आन्तरिक पर्यटकहरुलाई लक्षित गरि प्याकेज ल्याईएको बताए । तर यो प्याकेज नेपालीका लागि मात्र नभई ईच्छुक भारतीय पर्यटकलाई पनि प्रदान गर्ने योजना रहेको ठाकुरले सुनाए । उनले आफ्ना आभिभावकसंग आउने बालबालिकालाई पनि सोही प्याकेजमा समेटिएको र यसबापत अतिरिक्त शुल्क नलिने जनकारी दिए । भारतमा होटल ब्यवस्थापनमा प्रख्यात मानिएको शाईनीले रेडसन आफ्नै रेखदेखमा सञ्चालन सुरु गरेको छ ।

अहिले रेडसन्मा ७५ प्रतिशत पर्यटकहरुले कोठा भरिएको ठाकुरको दावी छ । बिशेष गरि सीमा क्षेत्रमा रहेका होटलहरुलाई लक्षित गरि शाइनीले चेन ब्यवसायको रुपमा यसलाई परिस्कृत गर्ने र नेपाल भ्रमणमा आउने भारतीय तथा आन्तरिक पर्यटकलाई एकै प्रकारको सेवा उपलब्ध गराउने लक्ष्य रहेको जनाए । शाईनीले यस अघि काठमाण्डौंको रुद्र भ्यु, मूनलाई रिसोर्ट, गोल्डेन गेट लगायतका होटलहरुमा पनि आंशिक ब्यवस्थापनको काम हेरेको ठाकुरले जानकारी दिए ।

सीमा क्षेत्रमा भारतीय पर्यटकहरुका लागी अधिकतम पर्यटनको सम्भावना रहेको र भारतमा आफ्नो राम्रो पकड रहेको कारण यसले नेपालका होटल तथा पर्यटन प्रवद्र्धनमा भूमिका खेल्ने ठाकुरको भनाई छ ओमसतिया गाउँपालिका वडा नम्बर ४ बसन्तपुरमा सञ्चालनमा रहेको बोधी रेड्सनमा अहिले ९८ वटा उच्चस्तरिय कोठा, १६ वटा भिला सहित क्यासिनो, ब्यायमशाला, ५ सय बढी क्षमताको बैठक कक्ष, वाटर पार्क लगायतको सुविधा रहका छन् ।