जसपाबाट रुपन्देही २ मा टोपराज पाण्डे सिफारिस

बुटवल । जनता समाजवादी पार्टी, नेपाल रुपन्देही संसदीय निर्वाचन क्षेत्र नं। २ ले आसन्न प्रतिनिधि तथा प्रदेशसभा सदस्य निर्वाचनका लागि उम्मेदवारहरु टुंगो लगाएको छ । पार्टीको बुटवलमा सम्पन्न क्षेत्रीय भेलाबाट निर्वाचनका लागि प्रत्यक्ष तथा समानुपातिकतर्फका उम्मेदवारहरु छनौट गरेको हो ।

जसपाले प्रतिनिधिसभाका लागि प्रत्यक्षतर्फ टोपराज पाण्डेको नाम सिफारिस गरेको छ भने प्रत्यक्षतर्फकै प्रदेशसभा निर्वाचन क्षेत्र नं। २ ९१० का लागि दीपक गुरुङ र २९२० का लागि कमल बुढा मगरलाई सर्वसम्मत सिफारिस गरेको छ । त्यस्तै प्रतिनिधिसभाकै लागि समानुपातिकतर्फ साबित्रा विकको नाम सिफारिस गरेको छ ।

पार्टीले प्रदेशसभाका लागि समानुपातिकतर्फ पार्टीका राजनीतिक समिति सदस्य मनिकर कार्कीको नाम सिफारिस गरेको छ । त्यस्तै प्रदेशसभाकै लागि समानुपातिकतर्फ पार्वती विक र मुना गुरुङको नाम पनि सिफारिस गरेको छ ।
संगठन विस्तार र सुदृढीकरण अभियानमै रहेको जसपाले आगामी भाद्र ३१ गते बुटवल उपमहानगर समिति पुनर्गठन भेला गर्ने निर्णयसमेत गरेको छ । पार्टीका राजनीतिक समिति सदस्य मनिकर कार्कीले अबको निर्वाचनले पार्टीलाई थप बलियो र सशक्त वैकल्पिक राजनीतिक शक्तिको रुपमा स्थापित गर्ने बताए ।

उनले मूलत: पार्टीबाट डा। बाबुराम भट्टराई समूहको बर्हिगमन भएपछि आवश्यकता अनुसार पार्टीका प्रदेश, जिल्ला र स्थानीय तह कमिटीहरु पुनर्गठनको प्रक्रियामा रहेको बताउँदै बुटवलको पुनर्गठनबाट पार्टी थप सुदृढ र बलियो हुने बताएका छन् ।