विश्व फोटोग्राफी दिवस : लुम्बिनी फोटोग्राफर संघद्वारा विद्यालयमा सहयोग

बुटवल । विश्व फोटो ग्राफी दिवसको अवसरमा लुम्बिनी फोटोग्राफर संघले सप्ताहव्यापी कार्यक्रम आयोजना गरेको छ । कार्यक्रमको दोस्रो दिन संघले रुपन्देहीको तिलोत्तमास्थित टिकुलीगढ माविमा सहयोग गरेको छ । संघले एका कार्यक्रमकाबीच सो विद्यालयमा अधययनरत गरिब तथा जेहेन्दार विद्यार्थीहरुलाई शैक्षिक सामग्री प्रदान गरेको हो ।

शैक्षिक सामग्री हस्तान्तरण कार्यक्रममा संघका अध्यक्ष मनिष पन्थको अध्यक्षता, नेपाल फोटोग्राफर महासंघका केन्द्रिय अध्यक्ष महेन्द्र उपाध्यायको प्रमुख आतिथ्यता, विद्यालय व्यवस्थापन समितिका अध्यक्ष दिनेश अर्याल,प्रअ शंकरदत्त उपाध्याय लगाएतको सहभागिता रहेको थियो ।

कार्यक्रममा २० जना विद्यार्थीलाई शैक्षिक सामग्री हस्तान्तरण गरिएको संघका अध्यक्ष पन्थले बताए ।