नवीनमा नगरस्तरीय निबन्ध लेखन

मंसिर १३,

ग्लोबल आवाज

बुटवल । रुपन्देहीको बुटवल- ११ देवीनगरमा रहेको नवीन औद्योगिक कदरबहादुर रीता माध्यमिक विद्यालयको आयोजनामा कक्षा ११ र १२ लाई लक्षित नगर स्तरीय नेपाल भ्रमण वर्ष २०२० विषयक निबन्ध लेखन प्रतियोगिता सम्पन्न भएको छ । कार्यक्रममा बाल्दै बुटवल उपमहानगरपालिका शिक्षा तथा जनस्वास्थ्य महाशाखा प्रमुख मित्रमणी खनालले विद्यालयले सान्दर्भीक शीर्षकमा निबन्ध लेखन कार्यक्रम र विद्यालयमा लैङ्गिक मैत्री वातावरण सिर्जना विषयक अभिमुखिकरण कार्यक्रम आयोजना गरेर विद्यार्थीहरुलाई सुचनाको हक सुनिश्चित गरेकोमा आभार व्यक्त गरे ।

यस्तै बुटवल उपमहानगरपालिका शिक्षा तथा जनस्वास्थ्य महाशाखा अधिकृत टीकाराम पन्थीले विद्यालयले नेपाल भ्रमण वर्षको निबन्ध लेखन प्रतियोगिता उल्लेखनीय रहेको भन्दै यस्ता कार्यक्रमहरुलाई भावी दिनहरुमा पनि निरन्तरता दिन सुझाव दिए । कार्यक्रममा विज्ञ त्रिभुवन विश्वविद्यालयका सहप्राध्यापक ऋषिराम भुसालले नेपाल भ्रमण वर्ष २०२० बारेमा ध्यान दिनुपर्ने कुराहरु औल्याए ।

कार्यक्रममा क्यानन मा.वि.की प्रियाश्रेष्ठ प्रथम, कालिका मानवज्ञान मा.वि.की सुनिता खनाल द्धितीय, अक्स्फोर्ड मा.वि.की आस्था खनाल तृतीय र कान्ति मा.वि.की सुरक्षा भटराईले सानत्वना स्थान प्राप्त गरेकी थिइन । निबन्ध मूल्याङ्कनमा सह प्रा. ऋषिराम भुसाल, शिक्षक विष्णु पन्थी र अशोक घिमिरेले गर्नु भएको थियो । प्रतियोगितामा प्रथम, द्धितीय, तृतीय र सानत्वनालाई रु ५०००, ३०००, २००० र १००० पुरस्कार तथा प्रमाणपत्र वितरण गरिएको थियो । विद्यालय ब्यवस्थापन समितिका अध्यक्ष कृष्ण प्रसाद खरेको सभापतित्व, प्रद्यानाध्यापक प्रेम बहादुर बस्नेतको संचालनमा सम्पन्न कार्यक्रमको सहजीकरण प्रद्यानाध्यापक प्रेम बहादुर बस्नेतले गरेका थिए ।

उक्त अवशरमा कक्षा ११ र १२का विद्यार्थीहरुलाई विद्यालयमा लैङ्गिक मैत्री वातावरण सिर्जना सम्बन्धी १६ दिने कार्यक्रमको अभिमुखीकरण बुटवल उपमहानगरपालिकाको निर्देशन अनुसार आयोजना गरी कक्षा ११ र १२ लाई छात्रा मैत्रीको लागि साथी शिक्षकमा रेखा भुसाल पोखरेललाई र कक्षा ९ र १० का छात्राहरुको लागि शिक्षक संगिता ढकाललाई तोकिएको छ । विद्यालयमा गुनासो तथा सुझावबक्स पहिले देखिनै राखिएकोमा त्यसलाई प्रभावकारी रुपमा प्रयोग गर्न सुझाव दिइएको थियो ।