समाजबादी विद्यार्थी युनियनको प्रदेश ५ अध्यक्षमा ओमप्रकाश

मंसिर ८,

बुटवल । नयाँ शक्ति विद्यार्थी युनियन र समाजबादी विद्यार्थी फोरमको प्रदेश ५ को समायोजन भएको छ । केन्द्रमा यस अघि नै भइसकेपनि प्रदेश ५ मा भने शनिबार समायोजन भएको हो । समायोजनबाट ओम प्रकाश यादबको नेतृत्वमा ३७ सदस्यीय प्रदेश कार्यसमिति चयन भएको छ । जसको उपाध्यक्षमा सन्तोष भुषाल र बसन्त यादब , मुख्य सचिबमा संगम पोखरेल, सचिबमा बसन्त आचार्य र संगिता गाहा तथा कोषाध्यक्षमा सोएब आन्सारी चयन भएका छन् ।

पूर्व फोरमले अध्यक्ष, उपाध्यक्ष, कोषाध्यक्ष र सचिब सहित १६ सदस्य तथा पूर्व नयाँ शक्तिले वरिष्ठ उपाध्यक्ष, मुख्य सचिब र वरिष्ठ सचिब सहित १४ सदस्य लिने सहमति अनुसार समायोजन प्रक्रिया सम्पन्न भएको समाजबादी विद्यार्थी युनियनका केन्द्रिय सदस्य प्रेम बहादुर आर्यालले बताए ।
प्रदेश समायोजन कार्यक्रममा बोल्दै पूर्वमन्त्री एवं प्रदेश ईन्चाज दान बहादुर चौधरीले समाजबादी पार्टीले हिमाल, पहाड र तराईलाई जोड्दै सबै जाति, समुदायबीच भावनात्मक एकताको पक्षमा रहकोले समाजबादी नै नेपालको बलियो वैक्लिपक शक्ति बन्ने दाबी गरे । त्यस्तै समाजबादी विद्यार्थी युनियनका केन्द्रिय अध्यक्ष रुपनारायण श्रेष्ठले अहिले बिश्व विद्यालयमा भएको चरम राजनितीक नियुक्ति गरिएकाले शैक्षिक गुणस्तर कमजोर भएकाले राजनितिक भागवण्डा अन्त्य गर्न माग गरे । राजनितिक नियुक्तकै कारण प्रतिभाशाली विद्यार्थीहरु डिप्रेशनको सिकार बन्नेको बताउँदै राजनीतिक भागवण्डा गरिने नियुक्ति अन्त्य नगरे समाजबादी विद्यार्थी युनियन जस्तो सुकै आन्दोलन गर्न पनि पछि नपर्ने चेतावनी दिए । उनले प्राबिधिक शिक्षा बिना देशको बिकास असम्भब रहेको भन्दै मेडिकल शिक्षा लगायत शिक्षा क्षेत्रमा भएका विकृति विकृति र विसङ्गतीको अन्त्य गर्दै गुणस्तरीय शिक्षाको बिकासमा जोेड दिएका छन् ।

कार्यक्रममा प्रदेश सह ईन्चाज कमल खनाल, प्रदेश अध्यक्ष अशोक यादब, मुख्य सचिब यज्ञ पोखरेल, प्रदेश सांसद सहसराम यादब, समाजबादी बिद्यार्थीका ईन्चाज अशोक यादब, नेताहरु बिमल गिरी, नारायण खनाल, टंक प्रसाद धमला, सिता यादब लगायतको सहभागिता रहेको थियो ।