पीसल्याण्डमा हाजिरीजवाफ प्रतियोगिता सम्पन्न

मंसिर ६,

ग्लोबल आवाज

बुटवल । रुपन्देहीको बुटवल ७ शिवनगरस्थित आवर पीसल्याण्ड एकेडेमीमा शुक्रबारीय कार्यक्रम अन्तर्गत सिनियरतर्फ हाजिरीजवाफ प्रतियोगिता भव्यतापूर्वक सम्पन्न भएको छ । कार्यक्रममा चार सदनका आठ समूहमा विभाजित विद्यार्थीहरुले प्रतियोगितामा उत्सुकताका साथ भाग लिएका थिए । सात राउण्डमा विभिन्न विषयसँग सम्बन्धित तथा अडियो र चित्र प्रदर्शनात्मक प्रश्नहरु सोधिएको थियो ।

प्रतियोगितामा एल्लो हाउसका क्रमशः दर्शन छन्त्याल, रोजन पाण्डे र जानवी अधिकारीको समूह प्रथम, ग्रिन हाउसका गणेश कलवार, सुशील थापा र रोजिना पोख्रेलको समूह द्वितीय तथा ह्वाइट हाउसका सन्देश भण्डारी, रोजिना पाण्डे र इसान्त भुषालको समूहले तृतीय स्थान हासिल गरेका थिए । विजयी समूहलाई पुरस्कार तथा मेडल प्रदान गर्दै विद्यालय व्यवस्थापन समितिका अध्यक्ष कुलानन्द पाण्डेले विद्यार्थीलाई चौतर्फी रुपमा सिर्जनशील बनाउने उद्देश्यका साथ साप्ताहिक रुपमा सञ्चालन हुने यस्ता फरक फरक कार्यक्रमले विद्यार्थीलाई सिकाइप्रति नयाँ जागरण पैदा गरेको बताए ।

कार्यक्रम विद्यालय व्यवस्थापन समितिका अध्यक्ष श्री कुलानन्द पाण्डेको अध्यक्षतामा सम्पन्न कार्यक्रमको सञ्चालन अतिरिक्त क्रियाकलाप विभाग प्रमुख श्री सुदिप घिमिरेले गरेका थिए ।