तुलसीपुर उपमहानगरः एमाले २४ मतले अगाडि

दाङ । दाङको तुलसीपुर उपमहानगरपालिकामा एमाले अघि छ । १९४८ मत गन्दासम्म एमालेबाट मेयरका उम्मेदवार टिकाराम खड्काले ८५० र गठबन्धनको तर्फबाट काँग्रेसका उम्मेदवार गेहेन्द्र गिरीले ८२६ मत प्राप्त गरेका छन्।

उनीहरुबीचको मतान्तर २४ रहेको छ । त्यस्तै उपमेयरमा पनि एमालेकै अग्रता छ । एमालेका उपमेयरका उम्मेदवार स्यानी चौधरीले ८७१ मत प्राप्त गरेकी छिन्, भने गठबन्धनका तर्फबाट एकीकृत समाजवादीका उम्मेदवार जोगबहादुर राणाले ६१७ मत प्राप्त गरेका छन् । उनीहरुबीचको मतान्तर २५४ मतान्तर छ ।

अहिले तुलसीपुरमा वडा नं. १, २ र ३ को गणना भइरहेको छ । तुलसीपुरमा यस अघि एमालेले जितेको थियो ।