प्रगतिशील पत्रकार संघ रुपन्देही अध्यक्षमा कुँवर

बुटवल । प्रगतिशील पत्रकार संघ नेपाल रुपन्देहीको प्रथम सम्मेलन सम्पन्न भएको छ । आइतबार बुटवलमा भएको सम्मेलनबाट विरेन्द्र कुँवर अध्यक्ष रहेको १३ सदस्य रहेको नयाँ कार्यसमिति चयन गरिएको छ । पटि पदपूर्ति गर्ने गरी दुइ स्थान रिक्त राखिएको छ ।

जसको उपाध्यक्ष सुरेन्द्र रेग्मी, सचिव टेकराज भुसाल, सहसचिव प्रकाश जीसी र कोषाध्यक्ष शारदा पाण्डे चयन भएका छन् । त्यस्तै सदस्यहरुमा दीपा बिक,शुरेस आचार्य, भानुभक्त शर्मा, राम खड्का, विमल खरेल, अनिल थापा रहेका छन् ।

सम्मेलनबाट सुमन अधिकारी,श्यामलाल पोखरेल र गंगालाल सापकोटालाई सल्लाहाकारमा चयन गरिएको छ ।

यस अघि भएको कार्यक्रममा बोल्दै प्रगतिशील पत्रकार संघका सल्लाहाकार सुमन अधिकारीले नेपाली पत्रकारिताको क्षेत्रमा बवचारको पनि पत्रकारिता हुने बताउनुभयो । पत्रकारितामा अनुसासन र सक्रियता आवश्यक पर्ने बताए ।

कार्यक्रममा वामपन्थी नेता चेतनाथ आचार्य, ढुण्डीराज पौडेल,अखिल छैठौंका केन्द्रिय सचिव सरोजमान सिंह, पत्रकार टिकाराम घिमिरे लगाएतले बोलेका थिए । संघका अध्यक्ष श्यामलाल पोखरेको अध्यक्षता र विरेन्द्र कुँवरको सञ्चालनमा कार्यक्रम भएको थियो ।