न्यू भिजनमा नतिजा प्रकाशनसँगै देउसी-भैलो

कार्तिक २२,
बुटवल । रुपन्देहीको न्यू भिजन मावि बुटवल–१२, तामनगरमा अर्ध वार्षिक परीक्षाको नतिजा प्रकाशनसँगै देउसी भैलो कार्यक्रम सम्पन्न भएको छ । उत्कृष्ट नतिजा प्राप्त गर्ने विद्यार्थीहरुलाई पुरस्कार सहित विशेष सम्मान गरिएको हो । शुभ दिपावलीको अवसरमा सम्पूर्ण विद्यार्थीहरूबाट देउसी भैलो कार्यक्रम सम्पन्न भएको छ ।

कार्यक्रममा सहभागी ४ सदनका विद्यार्थीहरूले छुट्टा छुट्टै देउसी भैलोसँगै नृत्य प्रस्तुत गरेका थिए । करिब ४ घण्टा समयावधिमा सञ्चालित उक्त कार्यक्रममा करिब २५० अभिभावकको सहभागिता रहेको थियो । प्राचिन सांस्कृतिक मुल्य र मान्यतालाई उजागर गर्दै मौलिक संस्कृतिको संरक्षण गर्ने विद्यालयको उद्देश्यलाई सफलता मिलेको प्राचार्य केशव श्रीसले बताए । रम्भादेवी ग्रुप अफ अर्गनाइजेशनका प्रबन्ध निर्देशक मनोजकुमार बस्नेतको प्रमुख आतिथ्यतामा सम्पन्न कार्यक्रममा नृत्य प्रशिक्षक रजनी श्रेष्ठले सहजीकरण गरेका थिए । कार्यक्रमको सञ्चालन अतिरिक्त क्रियाकलाप प्रमुख बालकृष्ण आचार्यले गरेका थिए ।