तिलोत्तममा कर्पोटरेट फुटसल हुँदै

ग्लोबल आवाज
माघ १८,

बुटवल । रोटरी क्लब अफ रुपन्देही र रोट्रयाक्ट क्लब अफ रुपन्देहीको संयुक्त आयोजना तथा युनिक फुटसलको प्राविधिक सहयोगमा चौथो एमजी कप कर्पोरेट फुटसल प्रतियोगिता–२०७५ शनिबार हुने भएको छ । यस क्षेत्रमा रहेका वित्तिय तथा व्यवसायिक संघसंस्था बीच खेलको माध्यमबाट भेटघाट, सदभाव र सम्बन्ध सुदृढ गर्ने उद्देश्यका साथ प्रतियोगिता आयोजना गरिएको रोटरी क्लब अफ रुपन्देहीका अध्यक्ष हरि प्रसाद न्यौपानेले बताए । तिलोत्तमा ५ मणिग्राम स्थित नयाँ एवम् आधुनिक यूनिक फुटसल मैदानमा हुने प्रतियोगितामा स्थानीय दश समूहको सहभागिता रहेको रोटरीका सदस्थ तथा प्रतियोगिताका संयोजक गौतम भुषालले जानकारी गराए ।

सधैं व्यापार,व्यवसायमा र पेशागत कार्यमा व्यस्त रहने व्यक्तिहरुका लागि शारिरिक,स्वास्थ्य,मनोरञ्जनसँगै आपसमा सदभाव बढाउनका लागि फुटसल प्रतियोगिता राम्रो माध्यम भएको रोट्रयाक्ट क्लब अफ रुपन्देहीका अध्यक्ष सुरेश भण्डारीले बताए ।

यूरोपियन ब्राण्ड एम जी कार मुख्य प्रायोजक र पाठक सिमेण्ट सह–प्रायोजक रहेको प्रतियोगितामा प्रथम, द्धितिय, तृतिय हुने समूह र खेलाडीलाई नगद पुरस्कार सहित प्रमाणपत्र, मेडल प्रदान गरिने रोट्रयाक्ट क्लब अफ रुपन्देहीका सदस्य तथा प्रतियोगिताका अर्का संयोजक राजेश खरेलले जानकारी गराए ।

प्रतियोगितामा तिलोत्तमा नगरपालिका, तिलोत्तमा उद्योग वाणिज्य संघ र तिलोत्तमा व्यापार संघको विशेष सहयोग रहेको छ। साथै यस क्षेत्रमा फुटसलको माहौल बढ्दै गएको हुनाले यसको प्रवद्र्धनका लागि स्थाापना गरिएको यूनिक फुटसलको समुद्घाटन शनिबार नै हुनेछ