६८औं वार्षिकोत्सवको अवसरमा कान्तिमा खेल सप्ताह सुरु

बुटवल । बुटवल –४ स्थित कान्ति माध्यमिक विद्यालयको ६८ ओैं वार्षिकोत्सब तथा अभिभावक दिवसको अवसरमा आइतबारदेखि खेल सप्ताह तथा विविध साहित्यिक कार्यक्रम सुरु भएको छ ।

एक कार्यक्रमका बीच विद्यालय व्यवस्थापन समितिका अध्यक्ष हेमानन्द शर्मा र विद्यालयका प्राचार्य गोविन्द ज्ञवालीले संयुक्त रुपमा सप्ताहको शुभारम्भ गरेका हुन् । खेलाडीहरुलाई विभिन्न खेल सामग्री हस्तान्तरण गरी सप्ताहको शुभारम्भ भएको हो । यस अवधीमा विद्यालयले आन्तरिक तथा बाह्य विभिन्न कार्यक्रमहरु गर्ने विद्यालयका प्रचार–प्रसार सदस्य हुमराज भुसालले जनाए।

वार्षिकोत्सबको मूल समारोह पौष २ गते सञ्चालन हुनेछ । विज्ञान संकायमा प्रदेशकै उत्कृष्ट मानिने सामुदायिक विद्यालयले प्रदेशस्तरिय विज्ञान प्रर्दशनी पनि गर्ने विज्ञान समूहका संयोजक मोहन भट्टराईले बताए ।