एमाले महाधिवेशन प्रतिनिधि छनौट : पश्चिम नवलपरासीमा कडा प्रतिष्पर्धा

परासी। नेपाल कम्यूनिष्ट पार्टी (एमाले) पश्चिम नवलपरासीले मंसीर १० देखि १२ गतेसम्म चितवनमा हुने दशौं महाधिवेशनका लागी हुने प्रतिनिधि छनोटका लागि हिजो शुक्रवार मनोनयन दर्ता गराएका छन् । आज हुने प्रतिनिधि छनोटका लागि सङ्घीय निर्वाचन क्षेत्र नं १ मा महिला ५ र पुरुष ९ गरी १४ जनाले उम्मेदवारी दिएका छन् ।

सङ्घीय क्षेत्र नं २ मा महिला ६ र पुरुष ११ जना गरी ११७ जनाले उम्मेदवारी दर्ता गराएको निर्वाचन समितिले जनाएको छ । सङ्घीय क्षेत्र नं २ मा धिरज शर्मा, सुवास चन्द्र जिसी, दीपेन्द्र अधिकारी, राम प्रसाद अर्याल, एक देव पाण्डे, बद्री खनाल, टोप बहादुर सिंह ठकुरी, निमानन्द न्यौपाने, पुन्य प्रसाद पौडेलले उम्मेदवारी दिएका छन् ।
महिलातर्फ देवी पौडेल लौडारी, सिन्धु जलेसा बुढाथोकी, राधिका शर्मा भट्ट, सरिता खनाल, मधुमाया पौडेलले उम्मेदवारी दिनु दिएका छन् । शनिवार बिहान ९ बजे देखि हुने सङ्घीय क्षेत्र नं १ मा ३३ सय ५६ र सङ्घीय क्षेत्र नं २ मा ३६ सय ७१ जना पार्टी सइदस्य मतदाता रहेका छन् ।

दलित समुदायबाट तुल्सी पासी र राजु हरिजनको मात्र उम्मेदवारी परेकाले निर्विरोध भएको छ । सङ्घीय क्षेत्र नं २ मा थान प्रसाद गैरै,डोलराज भण्डारी, केशव भण्डारी, वीरेन्द्र यादव, लेखनाथ खरेल, दधिराम अर्याल, रामचन्द्र भण्डारी, सूर्य प्रसाद दुबे, कृष्ण प्रसाद बगाले, राजन कुमार आचार्य, बद्रीमान श्रेष्ठ र महिलामा तारा आचार्य, सरस्वती सुबेदी, विमला अर्याल, रिगंला यादव, लक्ष्मी क्षेत्री र भगवती भण्डारीले उम्मेदवारी दिएका छन् ।

पश्चिम नवलपरासीबाट १४ जना महाधिवेशन प्रतिनिधि छनोट गरिने छ । सङ्घीय निर्वाचन क्षेत्र नं १ को प्रतिनिधि छनोटका लागि वाल्मीकि मा.वि. वर्दघाट पुर्नवासमा र सङ्घीय क्षेत्र नं २ को प्रगति मावि सुनवल स्वाठीमा निर्वाचन हुने छ ।