पब्लिक स्पिकरको उपाधी सुभासलाई, ४० युवा दिक्षित

असोज १२,
बुटवल । बुटवल जेसीजको ‘जेसीआई बुटवल एकेडेमी’ अन्तरगत सञ्चालित ‘पब्लिक स्पिकर बुटवल २०१९’को उपाधि सिद्धार्थ इन्टरनेशनल कलेजका सुभास भट्टराईले प्राप्त गरेका छन् । ‘पब्लिक स्पिकर बुटवल २०१९’को फाइनल प्रतिस्पर्धामा ५ जनालाई पछाडी पार्दै उनले उपाधी हात पारेका हुन् ।

उपाधिसंगै उनले मेडल र ट्रफि प्राप्त गरेका छन् । उपाधि विजेता सुभासलाई नेपाल जेसीजका निवर्तमान राष्ट्रिय अध्यक्ष श्रीधर बस्यालले मेडल र ट्रफि प्रदान गरे । त्यस्तै ‘पब्लिक स्पिकर बुटवल २०१९’को फस्ट रनर अप लुम्बिनी बाणिज्य क्याम्पसका महेश खनाल भएका छन् । उपाधि छनौटकालागि बुटवल जेसीजका पूर्व अध्यक्ष बिमलराज भट्टराई, राजु पौडेल र अमर खत्रीले निर्णायकको भूमिका निर्वाह गरेका थिए । भदौ २८ देखि असोज ९ सम्म सञ्चालन भएको एकेडेमीबाट ४० जना युवा दिक्षित भएका छन् । प्रतिस्पर्धामा बुटवल उपमहानगरपालिका भित्रका बिभिन्न कजेलबाट उनीहरुलाई छनौट गरिएको थियो । उनीहरुलाई ९ दिनसम्म जीवनोपयोगी सीप सिकाउनुको साथै नेतृत्व तथा व्यक्तित्व बिकास तालिम प्रदान गरिएको बुटवल जेसीजले जनाएको छ । अन्तराष्ट्रिय मापदण्ड अनुसार एकेडेमी सञ्चालन गरिएको र बन्द सत्र तथा खुल्ला सत्रमा तालिम प्रदान गरिएको एकेडेमीका निर्देशक अर्जुन खनालले जानकारी दिए ।

एकेडेमीमा मुख्य प्रशिक्षक नेपाल जेसीजका प्रशिक्षक रमेश अर्याल र प्रशिक्षक दिनेश खड्काले प्रशिक्षण गरेका थिए । तालिममा सहभागिले ‘नेपाल भ्रमण वर्ष २०२०’ लाई लक्षित गरेर यस क्षेत्रका पर्यटकीय क्षेत्रहरुको भिडियो डकुमेन्ट्री तयारी गर्नुका साथै प्रस्तुत गरेका थिए । जेसीआई बुटवल एकेडेमीको दिक्षान्त समारोहरमा बोल्दै नेपाल जेसीजका निवर्तमान राष्ट्रिय अध्यक्ष श्रीधर बस्यालले बुटवल जेसीजले महत्वपुर्ण तालिम आयोजना गरि सक्रिय नागरिक उत्पादनमा महत्वपुर्ण भूमिका खेलेको उल्लेख गरे । त्यस्तै बुटवल जेसीजका अध्यक्ष नरदेव न्यौपानेले युवाको व्यक्तित्व र नेतृत्व बिकासमा केन्द्रित गरिएको तालिममा सैद्धान्ति मात्रै नभएर व्यबहारिक ज्ञानमा समेत जोड दिईएको बताए । तालिमका सहभागिहरु अनिल न्यौपाने र सम्झना बस्यालले एकेडेमीबाट सैद्धान्तिक तथा व्यबहारिक ज्ञान प्राप्त भएको औंल्याउँदै कार्यक्रमलाई निरन्तरता दिन सुझाए । कार्यक्रममा एम्स कलेजका प्रमुख दिपक ढकाल, बुटवल जेसीजका पूर्व अध्यक्ष तथा निर्णायक समितिका सदस्य बिमलराज भट्टराई, नेपाल जेसीजका राष्ट्रिय उपाध्यक्ष कमल भण्डारी, बुटवल जेसीजका महासचिव राजिव गौतम लगायतले भनाई राखेका थिए ।