गर्धनमा धारिलो हतियार राखेर गरगहना र नगद लुटपाट

परासी । पश्चिम नवलपरासी सुस्ताको एक रेस्टुरेन्टमा धारिलो हातहतियार देखाएर केहि अज्ञात समुहले लुटपाट गरेको छ ।
सुस्ता गाउँपालिका वार्ड न १ रुपौलियामा रहेको स्वस्तिका एण्ड राहुल रेष्टुरेन्टमा रातिको ११ः३० बजे केही ब्यक्तिहरुले धारिलो हातहतियार देखाएर लुटपाट गरेका छन् ।

रातीको समयमा मोटरसाइकलमा पेट्रोल सकिएको भन्दै बाहाना गरि ३ जना व्यक्तिहरु रेष्टुरेण्टमा छिरेका थिए । रेष्टुरेण्टका संचालक सावित्री पौडेलले पेट्रोल यहाँ पाइदैन भनेर त्यो व्यक्तिहरुलाई जवाफ दिएपछि ती व्यक्तिहरुले रेष्टुरेण्ट संचालक पौडेलको गर्धनमा धारिलो हतियार राखेर उनले लगाएको गरगहना,घरको गरगहना र नगद लुटपाट गरेका थिए ।रेस्टुरेन्ट संचालक पौडेलका अनुसार गरगहना र नगद रकम सहित करिब ११ लाख ती व्यक्तिहरुले लुटपाट गरेको र उनीहरुसंग झगडिए पछी ती व्यक्तिहरुले धारिलो हातहतियारले उनको हातमा चोट पुर्याएका छन् ।

घरमा पौडेलका अन्य सदस्यहरु नभएको मौका छोपि ती अज्ञात समुहहरुले लुट्पाट गरेका थिए । पौडेलका अनुसार ती व्यक्तिहरु स्थानीय नजिकै वा आसपासका हुनुपर्ने आशंका गरेकी छिन भने प्रहरीका अनुसार सो व्यक्तिहरुको पहिचान नभएको ती व्यक्तिहरुको खोजी कार्य भैइरहेको इलाका प्रहरी कार्यालय बेलाटारीले जानकारी दिएको छ।