नविन औद्योगिकमा अभिभावक प्रतिक्षालयको शुभारम्भ

भाद्र १९,
बुटवल । रुपन्देहीको नवीन औद्योगिक कदर बहादुर रीता मा.वि. देवीनगरमा निर्माण गरिएको अभिभावक प्रतिक्षालयको बिहीबार शुभारम्भ गरिएको छ । प्रतिक्षालयको शुभारम्भ गर्दै बुटवल उपमहानगरपालिका वार्ड नं. ११ का वडा अध्यक्ष रामचन्द्र क्षेत्रीले अबको शिक्षा व्यवहारिकता र नैतिक शिक्षामा आधारित हुनु पर्ने धारणा व्यक्त गरे ।

विद्यालय व्यवस्थापन समितिका अध्यक्ष कृष्ण प्रसाद खरेलको सभापतित्व तथा प्रधानाध्यापक प्रेम बहादुर बस्नेतको संञ्चालनमा भएको कार्यक्रममा शिक्षक अभिभावक संघका अध्यक्ष मदन विष्ट, सल्लाहकार अधिवक्ता वासुदेव शर्मा, विद्यालय व्यवस्थापन समिति सदस्य विष्णुमाया भण्डारी लगायतले बोलेका थिए । विद्यालयमा नव निर्मित अभिभावक प्रतिक्षालयमा ट्रस, सेड, डेक्स, बेन्च, पङ्खा, र्याक तथा पत्रपत्रिका पढ्ने सुविधा रहेको छ । विद्यालयका शिक्षक, कर्मचारी तथा प्रशिक्षकहरुको सहयोगमा प्रतिक्षलय निर्माण गरिएको हो । अभिभावक प्रतिक्षालय प्रत्येक विद्यालयको मापदण्डमा पर्ने गर्दछ ।