कांग्रेस महाधिवेशन : बुटवल उपमहानगरको सभापतिमा पाण्डे विजयी

बुटवल । नेपाली कांग्रेस बुटवल उपमहानगरपालिकाको सभापतिमा खेलराज पाण्डे विजयी भएका छन् । उनले ४१२ मत ल्याएर विजयी भएका हुन् । यस्तै अर्को प्रतिस्पर्धी रिता केसीले भने १२४ मत ल्याएकी छन् ।पाण्डे रामचन्द्र पौडेल निकट हुन् ।

 यसैगरि उपसभापती पदमा ज्योति भण्डारीले ४ सय ३ र हितमान पुनले २ सय ८२ मत सहित विजयी भएका छन । उपसभापति पदमा प्रतिस्प्रर्धीहरु नर बहादुर रजालीले २ सय ३८ र हरिलाल सुनारले १ सय २ मत ल्याए ।

सचिव पदमा गंगा पन्थीले ३ सय ७ र छाया पोखरेलले २ सय ९४ मतसहित विजयी भएका छन प्रतिस्प्रर्धीहरु जयप्रकाश भट्टराइले २ सय ३९ र सन्तोष पौडेलले १ सय ४८ मत ल्याए । सहसचिव पदमा देवलाल अर्गाली २ सय ९७ तथा अर्को सहसचिवमा खाण पक्षका गणेश घिमिरे ३ सय मतसहित विजयी भएका छन ।