गुद्वारको बाहिरी र भित्री भागमा मुसाजस्तो मासु पलाउने रोग हो पायल्स । यी मुसाबाट थुप्रैपटक रगत निस्कन्छ र पीडा पनि हुने गर्दछ । कहिले काँही बल लगाउँदा यी मुसा बाहिर निस्कने गर्दछन् । यसलाई खानपिन, जीवनशैली र उपचारबाट निको पार्न सकिन्छ ।
पायल्स हुने कारण
– पायल्स हुने सबैभन्दा ठूलो कारण हो कब्जियत । पेट राम्रोसँग सफा नभए यो हुने गर्दछ ।
– धेरै बेरसम्म बसिरहनुपर्ने कामले पनि पायल्सको समस्या हुनसक्छ ।
– गर्भावस्थाको क्रममा पाचन समस्या हुदाँ थुप्रै महिलालाई पायल्सको समस्या हुने गर्दछ ।
– धुम्रपान, मद्यपान, जंक फूडजस्ता खानेकुराले पाचन क्रिया बिग्रन्छ र पायल्स हुने गर्दछ ।
– परिवारमा कसैलाई समस्या छ भने आउने पीढिलाई पनि यो हुने सम्भावना हुन्छ ।
घरेलु उपाय
– घ्यूमा भुटेको नीमका कलिला पातमा थोरै कपुर हाल्ने र पायल्सको मासुमा लगाउने ।
– कालोमरिच र कालो जिराको पाउडर आधा चम्चा दैनिक महसँगै खाँने ।
– लौकाको पातलाई पिसेर पायल्सको मासुमा नियमित लगाए फाइदा मिल्छ ।
– पानीसंग पिसेको तुलसीको पातको लेप लगाउँदा पायल्सयको जलनबाट राहत हुन्छ ।
– तुलसीको लेप लगाउँदा पायल्समा पलाएको मासु पनि बिस्तारै ठिक हुन्छ ।
– रातभर माटोको भाडामा राखेको अमला पाउडरको झोल बिहान मिश्री मिसाएर पिउने ।
– मसिनो आँचमा भुटेको प्याजको पेस्ट मासु पलाएको ठाउँमा लगाउँदा फाइदा हुन्छ ।
– चियाको पत्ती पिसेर पेस्ट बनाउने र त्यसलाई तातो बनाएर मासु पलाएको ठाउँमा लगाउँदा केही दिनमा मासु सुक्छ ।
– एक मुट्ठी कालो तिल एक कचौरा दहिसँग दैनिक खाँदा रगत आउने पायल्स ठिक हुन्छ ।
– मेहेन्दीको पातलाई पानीमा पिसेर लगाउँदा केही दिनमा पलाएको मासु सुक्ने गर्दछ । विभिन्न एजेन्सीको सहयोगमा
युनिकोड
मिति रूपान्तरण
ग्लोबल आवाज
प्रतिक्रिया