बर्षायाममा हुने अत्यधिक गर्मीले मानिसलाई खानपानमा खासै रुची हुदैँन । अझ गर्मी मौसममा शरीरबाट धेरै पसिना निस्किएसँगै शरीरमा पानीको मात्रा कम हुन्छ र जलवियोजनको खतरा हुन सक्छ । त्यसैले गर्मीमा खानपिनमा निकै विचार पुर्याउनुपर्छ । पानीको मात्रा अत्यधिक भएका चिज खानुपर्छ । गर्मी मौसममा कस्ता खानेकुरा खाने त ?
क) दही : शरीरमा पानीको अभावले हुने ‘डिहाइड्रेसन’बाट बच्न यो मौसममा सबैभन्दा राम्रो खानाको विकल्प हो, दही । दहीमा ८५ प्रतिशत पानी हुन्छ । साथै प्रोटिन, भिटामिन बी र क्याल्सियम पनि प्राप्त गर्न सकिन्छ ।
ख) साग र सलाद : साग र सलादमा पानीको मात्रा ९५ प्रतिशतसम्म हुन्छ । यसमा बोसो पनि हुँदैन र प्रोटिन धेरै पाइन्छ । गर्मीमा साग र सलादमा बढी नै जोड गर्दा राम्रो हुन्छ ।
ग) भात : गर्मीमा शरीरलाई आवश्यक पानीको मात्रा भातले पूर्ति गर्न सक्छ । भातमा ७० प्रतिशत पानी हुन्छ । चामल पाइने आइरन र कार्बोहाइड्रेडले शरीरलाई तागत पनि दिन्छ ।
घ) स्याउ : स्याउमा ८६ प्रतिशतसम्म पानीको मात्रा हुन्छ । स्याउमा फाइबर पनि प्रशस्त पाइन्छ । स्याउ भिटामिन ‘सी’को राम्रो पनि हो । गर्मीमा स्याउ सेवनले निकै फाइदा गर्छ ।
ङ) ब्रोकाउली : पानीको मात्रा बढी हुने तरकारीमा ब्रोकाउली पनि पर्दछ । गर्मीमा हुने विभिन्न प्रकारका एलर्जीबाट बचाउन यसको सेवन लाभदायी हुन्छ ।
युनिकोड
मिति रूपान्तरण
ग्लोबल आवाज
प्रतिक्रिया