माग पुरा नभएको भन्दै अर्घाखाँचीका स्थानीय तहमा शिक्षकहरुको धर्ना

बुटवल । नेपाल शिक्षक महासंघले आफ्नो मागहरु पूरा गर्न भन्दै देशभरका स्थानिय तह अगाडि आज धर्ना गरिरहेको छ । चरणबद्द आन्दोलनको क्रममा आज सन्धिखर्क नगरपालिका र छत्रदेब गाउँपालिकाको प्राङ्गणमा पनि शिक्षकहरुले बिहान नौ बजेदेखि एक बजेसम्म धर्ना कार्यक्रम गरेका छन् ।

शिक्षकहरुलाइ स्कुल संचालन हुन भन्दा अगाडि कोभिड बिरुद्दको खोप लगाउनु पर्ने, राहत शिक्षकहरुका समस्या समाधान गर्नुपर्ने, संघिय शिक्षा एन जारी गर्नुपर्ने र बाल बिकास शिक्षिका हरुको पारिश्रमिक उचित ब्यबस्थापन गर्नुपर्ने, बिधालय कर्मचारिहरुको समस्या सुनुवाइ गर्नुपर्ने जस्ता माग राख्दै शिक्षक महासंघ आन्दोलनमा निरन्तर छ। आन्दोलनरत शिक्षकहरुले हाम्रो माग पूरा गर, संघिय शिक्षा ऐन जारी गर जस्ता प्लेकार्ड छातिमा टासेरं सभ्य रुपमा शान्तिपुर्ण धर्ना गरेका थिए।