तपाईंलाई यस्ता समस्या छन भने नखानुस् लसुन

लसुनले खानालाई स्वादिलो मात्रै मात्रै बनाउँदैन, शरीरलाई स्वास्थ्य राख्नपनि सहयोग गर्छ । लसुन नियमित खाँदा स्वास्थ्यमा सुधार आउने र केही खतरनाक शारीरिक समस्याबाट समेत बच्न सकिन्छ ।तर लसुनको प्रयोगले सबै मानिसलाई राम्रो भने गर्दैन । त्यसैले लसुन को प्रयोग गर्दा आफ्नो स्वस्थ्य अवस्थाका विषयमा ख्याल गर्नुपर्छ । यस्ता व्यक्तिले लसुन नखानुस्

हेपाटाइटिस भएका व्यक्ति

हेपाटाइटिस भाइरसको उपचारको लागि लसुन खानु उचित हुँदैन । किनभने, लसुनको सेवनले पेट र आन्द्रामा प्रत्यक्ष प्रभाव पर्छ । यसले हाम्रो आन्द्रामा पैदा हुने ग्यास्ट्रिक एसिडको मात्रा लाई कम गर्दछ । जसको कारण हाम्रो पाचन प्रणालीमा नकारात्मक असर पर्छ र मानिसलाई बान्ता हुने, रिङ्गटा लाग्ने जस्ता लक्षणहरू देखा पर्छ । त्यसैले हेपाटाइटिस हुनेहरूले लसुनको सेवन गर्नुहुदैन ।

सर्जरी गर्न लागेको व्यक्ति

कुनै पनि किसिमको सर्जरी गर्नुभन्दा २ हप्ता अगाडिदेखि लसुन खान छोड्नुपर्छ । लसुनले गर्दा सर्जरी पछि रगत नजम्ने हुन्छ र घाउ बिस्तारै पाकेर संक्रमण हुने सम्भावना बढ्छ ।

कम रक्तचाप भएको व्यक्ति

लसुनको सेवनले शरीरमा नाइट्रिक अक्साइड र हाइड्रोजन सल्फाइड जस्ता रसायनहरूको निर्माण गर्न सहयोग पु¥याउँछ । यी रसायनहरूले मुटुको धमनीहरूलाई आराम दिन्छ । उच्च रक्तचाप हुनेहरूको लागि लसुन फाइदाजनक हुन्छ तर कम रक्तचाप हुनेहरूको लागि भने लसुनको सेवन खतरनाक हुन्छ ।

झाडापखाला लागेको व्यक्ति

झाडापखालाले ग्रसित भएको व्यक्तिले लसुनको सेवन गर्दा लसुनको पीरो स्वादले आन्द्रालाई नकारात्मक असर गर्छ । जसको कारण आन्द्रामा घाउ हुन जान्छ । यस्तो अवस्थामा दिशा गर्दा कडा पेट दुख्ने, दिशामा रगत देखिने, रिङ्गटा लाग्ने र बान्ता हुने समस्या ल्याउछ । त्यसैले, झाडापखाला लाग्दा लसुनको सेवन गर्नु हुदैन ।

आँखा सम्बन्धि रोग भएको व्यक्ति

आँखा रोगीहरूले लसुनको सेवन गर्नु उपयुक्त हुदैन । विशेष गरी आँखा पाकेको व्यक्तिलाई लसुनले असर पु¥याउनछ । आँखा पाकेको समयमा लसुन खादा आँखाबाट रगत पनि निस्कन सक्छ । आँखा रोगीहरूले लसुनको सेवन गरेमा आँखामा बादल लागेजस्तो हुने, आँखा दुख्ने, टाउको दुख्ने, स्मरण शक्ति घट्दै जाने समस्या हुन्छ ।

यदि तपाईमा यी रोगहरु छन् भने आजैदेखि लसुनको सेवन गर्न छोडिदिनुहोस । स्वास्थ्यमा समस्या नभएक व्यक्तिहरूको लागि लसुन फाइदाजनक भएपनि, ती रोगीहरुका लागि लसुनको प्रयोग खतरनाक हुन सक्छ ।