देशभरका विद्यालय बीच हाजिरी जवाफ, बुटवलको कान्ति मावि दोश्रो

बुटवल । प्याब्सन, एनप्याब्सन र हिसानको संयुक्त आयोजनामा सञ्चालित नेपाल स्कुल मेला अनलाइन क्विजकन्टेष्ट-२०७८ मा देशका ४७ जिल्लाका २ सय विद्यालयलाई पछाडि पार्दै कान्ति मावि बुटवल द्वितीय भएको छ । देशभरका सामुदायिक र संस्थागत विद्यालय सहभागी भएकोमा कान्ति सामुदायिक विद्यालयमा भने प्रथम बनेको हो । उपविजेता बनेको कान्तिले नगद १५ हजार पुरस्कार प्राप्त गरेको हो ।

विद्यालयबाट विद्यार्थी अशोक आचार्यले सहभागिता जनाएका थिए । लुम्बिनी प्रदेशको नमुना विद्यालयका रुपमा  पटक-पटक पुरस्कृत हुँदै आएको विद्यालयले विभिन्न समय राष्ट्रिय तथा अन्तर्राष्ट्रिय स्तरका प्रतियोगितामा सफलता प्राप्त गरिरहेको छ ।